«Հրապարակ». Ինչո՞ւ են վարկաբեկված անձանց պաշտոններ տալիս

Ինչ բացատրություն ուզում եք' տվեք, միեւնույն է, ոչ ոք չի կարող հանրությանը համոզել, թե Սեւակ Խաչատրյանին (նույն ինքը՝ Սաքուլիկ մականվամբ) անպայման հարկավոր էր Տնտեսագիտական համալսարանի պրոռեկտոր նշանակել: Այնպես, ինչպես ոչ ոք չի կարող հանրությանը համոզել, որ Սյունիքի տխրահռչակ մարզպետ Սուրիկ Խաչատրյանին ու նրա մերձավորներին «անձեռնմխելիությամբ» օժտելը պետական ու հանրային շահերից բխող անհրաժեշտություն է: Գրում է  «Հրապարակ»-ը:

Ինչպես չեն կարող համոզել, որ իշխանությունն այլ ելք չունի, քան Ռուբեն Հայրապետյանի, Մհեր Սեդրակյանի եւ նրանց տիպի տարբեր մականունավորների շահերը պաշտպանելը: Դրանք, այսպես ասած, սեփական անվտանգությունից, աթոռները պահպանելու խնդրից բխող պարտադիր քայլեր են: Իշխանությունն ուղղակի այլընտրանք չունի: Անգամ եթե դեպքերին ու դեմքերին նայենք աթոռներին սերտաճած ու իշխանությունը կորցնելու վախից դողացող անձանց տեսանկյունից, այդ նույն իշխանությունը պահպանելու առնվազն 99՝ շատ ավելի պակաս վարկաբեկիչ եղանակներ կան, քան սաքուլիկներին, շմայսներին, լիսկաներին ու թախմախներին առաջ մղելը: Ինչո՞ւ չեն փնտրվում այդ՝ պակաս անբարո եղանակները, ինչո՞ւ չի փորձում իշխանությունը գնալ ազնվանալու, հասարակական մթնոլորտն առողջացնելու, վարկաբեկված անձանց ասպարեզից հեռացնելու ճանապարհով:

 Շարունակությունը՝ թերթի այսօրվա համարում: