«Հրապարակ». Կառավարությունը արդեն սկսել է նախապատրաստվել Արցախի անկախության հռչակման 23-րդ տարեդարձին

Հայաստանի քաղաքական վերնախավն այս տարի մեկ օր առաջ է սկսելու տոնել Արցախի անկախության հռչակման 23-րդ տարեդարձը: Սեպտեմբերի 1-ին խորհրդարանական պատվիրակությունը ՀՀԿ խմբակցության ղեկավար Վահրամ Բաղդասարյանի գլխավորությամբ կմեկնի Արցախ: Տոնական միջոցառումների շարքում այդ օրը տեղի կունենա Երկրաբանական թանգարանի բացումը: Խորհրդարանի պատվիրակությունում ներկայացված կլինեն պատգամավորներ բոլոր խմբակցություններից. «Ժառանգությունից»՝ Զարուհի Փոստանջյանը, ՀՅԴ-ից՝ Աղվան Վարդանյանը, ԲՀԿ-ից՝ Տիգրան Ուրիխանյանը, ՀԱԿ-ից՝ Լյուդմիլա Սարգսյանը, ինչպես նաեւ արտաքին հարցերի հանձնաժողովի ղեկավար ՀՀԿ-ական Արտակ Զաքարյանը: Պատգամավորներն Արցախ կմեկնեն այս անգամ ոչ թե ուղղաթիռով, այլ մեքենաներով։ «Իսկ Գալուստ Սահակյա՞նը»։ «Բա երկիրն ո՞ւմ թողնենք»,- ասացին մեզ: Իսկ հաջորդ օրը՝ սեպտեմբերի 2-ին, Արցախ կմեկնի նաեւ Սերժ Սարգսյանի գլխավորած պատվիրակությունը: Կառավարությունից ասացին, թե տեղյակ չեն իրենց մասնակցության մասին: Այնուամենայնիվ, կլինեն բազմաթիվ հյուրեր նաեւ դրսից, գեներալիտետը ՝ անխտիր: Մեր տեղեկություններով, նախատեսվում են նաեւ զինվորական շքերթ եւ ռազմատեխնիկայի ցուցադրություն: 

Շարունակությունը՝ թերթի այսօրվա համարում: