ՀՀ արդարադատության նախարարությունը ԱԺ առաջիկա նստաշրջանին կներկայանա հագեցած օրակարգով
ԱՐԽԻՎ
ՀՀ արդարադատության նախարարությունը բազմաթիվ նախագծեր ունի, որոնք քննարկման կդրվեն Ազգային ժողովի մեկնարկելիք նստաշրջանի ընթացքում:
«Արմենպրես»-ի հետ զրույցում ՀՀ արդարադատության փոխնախարար Սուրեն Քրմոյանը նշեց, որ քննարկման կդրվի քրեական դատավարության մասին նոր օրենսգիրքը, որով լուրջ փոփոխություններ են նախատեսվում համակարգը բարելավելու ուղղությամբ: «Բացի դրանից, մենք կառավարության հանձնարարականով մշակել ենք բազմաթիվ այլ իրավական ակտեր, որոնցից մեկն անձնական տվյալների մասին օրինագիծն է, որը ևս պետք է քննարկվի Ազգային ժողովի առաջիկա նստաշրջանի ընթացքում»,- ասաց Քրմոյանը:
Փոխնախարարը մանրամասնեց, որ անձնական տվյալների վերաբերյալ օրենքի նախագծի նպատակն է պաշտպանել մարդկանց անձնական իրավունքը միջամտություններից, պաշտպանել մարդկանց անձնական տվյալները և սահմանել, որ մարդկանց անձնական տվյալների մշակումը պետք է իրականացվի բացառապես օրենքով նախատեսված կարգով:
Կա օրենսդրական քրեակատարողական ոլորտում բարեփոխումներ իրականացնելու վերաբերյալ օրենսդրական փաթեթ, որը ևս քննարկման կդրվի ԱԺ առաջիկա նստաշրջանի ընթացքում: «Հույս ունենք, որ կհասցնենք քննարկման ներկայացնել նաև պրոբացիոն ծառայության ներդրման հետ կապված օրենսդրական նախաձեռնությունները»,- ասաց Քրմոյանը:
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
