Լոռին՝ ծխի մեջ, դհոլի ու կիթառի ներդաշնակ միասնությունը. Խորովածի փառատոնը կայացավ (լուսանկարներ)

Լոռին է: Ախթալան: Ծխապատ է: Սեպտեմբերն է եկել, ուրեմն այստեղ տոն է: Խորովածի փառատոնը: 

Ախթալան մեկտեղել է Հայաստանի ու աշխարհի անկյուններից եկած գուրմաններին. խորոված համտեսելու են եկել: Խորովածն էլ սովորական չէ: Կգտնեք նույնիսկ այնպիսիք, ինչպիսին չէիք էլ պատկերացնի: 

Ինչպես 5 տարի շարունակ, այս տարի ևս մրցույթ-փառատոնը կազմակերպել է «Հայ խոհարարական ավանդույթների զարգացում և պահպանում» հ/կ նախագահ Սեդրակ Մամուլյանը: Պարոն Մամուլյանն այն կարծիքին է, որ Հայաստանը ոչ միայն համեղ պատրաստողների, այլ նաև կամքի երկիր է, վստահ է՝ մի քիչ էլ, ու ամեն ինչ լավ է լինելու: Նա նաև շնորհակալ է Պաշտպանության նախարարությանը՝ փառատոնն աջակցելու համար: 

Իսկ ՊՆ-ն ներկայացել է իր երաժիշտների ու խոհարարների թիմով: Զինվորներն էլ անխնա հյուրասիրում են իրենց ձեռքով իսկ պատրաստած շիլան ու անպայման հարցնում՝ ինչպես է ստացվել: «Իհարկե, համեղ է»,- լսում են: Հյուրերը չեն մոռանում նաև տղաներին բարի ծառայություն մաղթել: 

Մոտենում ենք մրցույթի մասնակիցներին. գրեթե բոլորը վստահ են, որ հենց իրենք են հաղթելու: Հյուրասիրում են ու ճանապարհում՝ չհետաքրքրվելով նույնիսկ, թե ում են հյուրասիրում: Մրցույթի արդյունքների մասին ավելի ուշ, իսկ հիմա ներկայացնենք այն ուշագրավ լուսանկարները, որոնք ֆիքսել է Լուրեր.com-ի ֆոտոխցիկը՝ մեր իսկ մեկնաբանությամբ:

Համաձայնեք՝ ախորժալի տեսք ունեն

Իսկ ձեր խորովածն ինձ հետաքրքիր չէ, ես բամբակ ու ձմերուկ եմ ուտում

Իսկ ես ավելի համեղ բան եմ ուտում

Ես էլ եկեղեցի եմ գնում

Մենք պատրաստվում ենք ցուցահանդես-վաճառքի

Մենք էլ վատ ձմերուկ կտրող չենք, չէ՞

Երբ շտապում ենք լուսանկարվել, ահա թե գոգնոցը որտեղ է հայտնվում

Տեսեք՝ ովքե՜ր են այստեղ

Այսպես մենք համերգին ենք պատրաստվում

Հիմա սովորում ենք պարել

Արդեն պարում ենք

Փառատոնը միավորել է ազգերն ու սերունդները

Այո՛, այո՛, Անդրեն է՝ ռոքի ու խորովածի հակամիասնությունը

Այս լուսանկարը՝ թերևս առանց մեկնաբանության

Այս մեկը՝ նույնպես

Ահա զինվորների ձեռքով պատրաստած շիլան

 Հյուրասիրում ենք, չենք խնայում

Փորձում ենք, համեղ է  

Ոչ միայն եփել գիտենք, այլև կարգին նվագել ու պարել

Պարում ենք ու մենակ չենք

Իսկ ես նայում եմ, թե ինչպես են տղաները պարում

Իսկ այստեղ պարոն Մամուլյանն է. պատրաստվում է մրցանակները հանձնելուն

Հարցնում է՝ արձանիկն ո՞ւմ է նման

«Արարատը», որը հանձնվեց ՊՆ-ին

Քաղաքական գործիչներն էլ են այստեղ. Արմեն Մարտիրոսյանն է՝ փառատոնի մշտական մասնակիցը

Ասում են՝ ամերիկացիները նայում են խոհարարի քաշին ու եթե այն պակաս է 150կգ-ից, նրանից ոչինչ չեն գնում... 

Փառատոնի պոլիտեխնիկցի մասնակիցը. կարծում է՝ Պուտինն էլ էր ԿԳԲ-ական, բայց հիմա նախագահ է: Նույնկերպ՝ իրենք կհաղթեն խոհարարական մրցույթում 

Ես իսկապես, փառատոնի մասնակիցները դատարկաձեռն չհեռացան Ախթալայից: Նրբանկատ ժյուրին ու փառատոնի կազմակերպիչները հոգացել էին, որ բոլոր էլ ստանան արժանի մրցանակ: Իսկ թե ով ինչ մրցանակի արժանացավ՝ ստորև.

«Ժիրայր Ասատրյանի անվան» մրցանակ - ՊՆ թիմ

Քաղաքապետի մրցանակ (արտասովոր խորոված) - «Ֆլորա» ռեստորան (Ալավերդի)

Ամենաժպտերես տաղավար - Խոխմել (Վրաստան)

Լավագույն մատուցում - Լևոն Մացակյան (Պոլիտեխնիկ)

Մոդեռն խորոված - GH house

Ավանդական խորոված - Աբովյանի կրթահամալիր

Բարեհամբույր թիմ - Հայաստանի երիտասարդ կանանց ասոցիացիա

Բյուրեղյա մաքրություն - ժյուրիի կազմը (ներկա էր Արմեն Մարտիրոսյանը)

Հանդիստեսի համակրանք - Գարեջրի ակադեմիա

Լավագույն տաղավար - Ապագա Լոռի

Հանձնվեցին նաև երեք աստիճանի մեդալներ՝ երեք տարբեր անվանակարգում

Լավագույն մտահղացում. երրորդ մրցանակ - Զվարթ Գասպարյան

Լավագույն մտահղացում. երկրորդ մրցանակ - «Արատտա» ռեստորան

Լավագույն մտահղացում. առաջին մրցանակ - «Տավուշ» ռեստորանային համալիր

Լավագույն տեսք. երրորդ մրցանակ - Աֆրիկյանների պանդոկ

Լավագույն տեսք. երկրորդ մրցանակ - «Դիլիջան» ռեստորան

Լավագույն տեսք. առաջին մրցանակ - «Լուսինկա»

Լավագույն համ. երրորդ մրցանակ -  Գրիշա Հակոբյան

Լավագույն համ. երկրորդ մրցանակ- ՊՆ թիմ

Լավագույն համ. առաջին մրցանակ - «Տրիո»

Իսկ Գրան պրիին արժանացավ «Գուրման»-ը:

Փառատոնի մնացյալ անցուդարձը՝ ֆոտոշարքում

{gallery}paraton123{/gallery}

Աստղիկ Հովհաննիսյան