«Հրապարակ». «Գագիկ Ծառուկյանը, երկրի հոգսն իր թիկունքին վերցրած, առաջ է գնում»

ԱԺ ՀՀԿ խմբակցության ղեկավար Վահրամ Բաղդասարյանը, երեկ «Հրապարակ»-ի լրագրողի հետ զրույցում մեկնաբանելով Սերժ Սարգսյանի՝ ԱԺ խրամատը չլքելու հորդորը, նկատել է, որ դա նաեւ այլ խմբակցությունների պատգամավորներին է վերաբերում:

ԱԺ նիստից ամենաշատը բացակայած ԲՀԿ խմբակցության ղեկավարի՝ Գագիկ Ծառուկյանի կուսակից Մարտուն Գրիգորյանին հարցրինք՝ պատրա՞ստ են ընդունել այդ հորդորը, եւ ԲՀԿ առաջնորդն արդյոք կհետեւի՞ Բաղդասարյանի խորհրդին ու տեղը կզիջի՞ նրան, ով նորմալ կկատարի իր պարտականությունները: «Աշխատանքը յուրաքանչյուր պատգամավորի սահմանադրական իրավունքն է՝ ինչպես է հաճախում աշխատանքի, որ ժամերին: Դա մեր կուսակցության նախագահի իրավունքն է, եւ ինքը գիտի ինչ է անում, եթե կա ինչ-որ բան ասելու մեր կուսակցության նախագահին, ուրեմն կարող են ուղիղ ասել: Չեմ կարծում, որ դիմում կգրեն, դուրս կգան, մանավանդ այն մարդիկ, որոնք ուղղակիորեն ընտրվում են ժողովրդի կողմից, իսկ պատգամավորական աշխատանքը, բնականաբար, կարեւորում եմ, բայց այդ աշխատանքից դուրս ես ինքս, որպես մեծամասնականով ընտրված պատգամավոր, էլ ավելի կարեւոր աշխատանքներ կան մեր ընտրատարածքում, ժողովրդի հետ, քան թե այստեղ գալ եւ դահլիճում նստել: Մեր կուսակցության նախագահը, երկրի հոգսն իր թիկունքին վերցրած, առաջ է գնում, այնպես որ, ինքն այնքան բան է անում մեր երկրի համար, քան ԱԺ նիստերին մասնակցելը»:

Շարունակությունը՝ «Հրապարակ»-ի այսօրվա համարում: