Քառյակը սեպտեմբերի 17-ին կհայտնի հանրահավաքի օրը

Քառյակը համատեղ հանրահավաքի օրը կհայտարարի սեպտեմբերի 17-ին: Այս մասին քառյակի հերթական հանդիպումից հետո՝ լրագրողների հետ զրույցում, ասաց «Ժառանգություն» խմբակցութան ղեկավար Ռուբեն Հակոբյանը:

«Մենք որոշեցինք, որ քառյակը սեպտեմբերի 17-ին կրկին կհանդիպի ԲՀԿ խմբակցությունում, որտեղ արդեն մենք կորոշենք և կհայտարարենք հանրահավաքի օրը»,- ասաց Հակոբյանը:

Վերջինիս խոսքով՝ այսօր հանրահավաքի օրը չորոշվեց տեխնիկական խնդիրների պատճառով:

Ռուբեն Հակոբյանը նշեց նաև, որ քառյակը համաձայնության է եկել մինչև հանրահավաքը մարզային այցելություններ կազմակերպելու հարցում: «Դա նպատակ ունի մարզերում մարդկանց պատրաստել առաջիկա հանրահավաքին»,- ասաց Հակոբյանը:

Հարցին, թե 4 քաղաքական ուժերն արդեն տվե՞լ են հանրահավաքին մասնակցելու համաձայնություն, Ռուբեն Հակոբյանը պատասխանեց. «Դա քննարկվելիք հարց է: Ես այս պահին չունեմ այդ հարցի պատասխանը: Սակայն կարող եմ ասել, որ դինամիկ զարգացումները ցույց են տալիս, որ ամեն ինչ լավ է լինելու»,- ասաց պատգամավորը: