Ալիևը համաձայնել է Ֆրանսիայում եռակողմ հանդիպմանը. Ֆրանսիայի դեսպան
Արտաքին Քաղաքական
Ադրբեջանի նախագահ Իլհամ Ալիևը համաձայնություն է հայտնել Ֆրանսիայի նախագահի հրավերով Փարիզում հանդիպել Հայաստանի նախագահ Սերժ Սարգսյանի հետ: Ինչպես հաղորդում է «Արմենպրես»-ը, այս մասին ադրբեջանական Haqqin.az լրատվականի հետ զրույցում հայտնել է Ադրբեջանում Ֆրանսիայի դեսպան Պասկալ Մոնյեն:
Նա նշել է, որ հանդիպումը կկայանա հոկտեմբերի երկրորդ կեսին: Մոնյեի խոսքով՝ հանդիպման ժամանակ նախագահները կքննարկեն ղարաբաղյան հակամարտության կարգավորման ուղիները և հիմնախնդրի խաղաղ լուծման հարցը: Նա համոզմունք է հայտնել, որ Ուելսում երկու երկրների նախագահների հանդիպումից հետո Փարիզում կայանալիք հանդիպումը շատ կարևոր նշանակություն կունենա:
«Որպես ԵԱՀԿ Մինսկի խմբի համանախագահ՝ Ֆրանսիան անում է ամենը հիմնախնդրի խաղաղ կարգավորման համար և կարծում է, որ արդեն վաղուց ժամանակն է լուծել այս հարցը»,- ասել է Մոնյեն՝ հերթական անգամ նշելով, որ հակամարտության կարգավորումը կախված է երկու երկրների նախագահներից, իսկ Մինսկի խմբի համանախագահները պետք է միայն օգնեն նրանց խնդրի լուծումը գտնելու հարցում:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
