Ամենայն Հայոց Կաթողիկոսն ընդունել է բարոնուհի Քերոլայն Քոքսին
ԱՐԽԻՎ
Սեպտեմբերի 17-ին Մայր Աթոռ Սուրբ Էջմիածնում Ն.Ս.Օ.Տ.Տ. Գարեգին Բ Ծայրագոյն Պատրիարք եւ Ամենայն Հայոց Կաթողիկոսն ընդունեց բարոնուհի Քերոլայն Քոքսի գլխաւորած պատուիրակութեանը' ուղեկցութեամբ գրող, հրապարակախօս տիար Զօրի Բալայեանի: Հանդիպմանը ներկայ էր Տ. Նաթան արքեպիսկոպոս Յովհաննիսեանը:
Նորին Սրբութիւնն ուրախութիւն յայտնեց բարոնուհի Քոքսին եւս մէկ անգամ Հայաստանում տեսնելու առիթով' վերջինիս նկատելով հայ ժողովրդի համար շատ հարազատ ու մտերիմ դարձած մի անձնաւորութիւն: Ամենայն Հայոց Հայրապետը նաեւ իր բարձր գնահատանքը փոխանցեց բարոնուհուն' գործադրած հայանպաստ ջանքերի կապակցութեամբ, որոնք մեծապէս նպաստում են արցախահայութեան իրաւունքների պաշտպանութեանը եւ Ղարաբաղեան հակամարտութեան արդարացի լուծմանը:
Տիկին Քոքսը նոյնպէս իր սրտի խօսքն ասաց' շնորհակալութիւն յայտնելով Նորին Սրբութեանը ջերմագին ընդունելութեան համար, եւ ներկայացրեց Հայաստան իր արդէն 82-րդ այցից ստացած տպաւորութիւնները:
Հանդիպմանը քննարկուեցին Հայ Եկեղեցու առաքելութեանը, կրթական, սոցիալական ոլորտներում իրականացուող ծրագրերին եւ միջեկեղեցական յարաբերութիւններին վերաբերող հարցեր: Անդրադարձ կատարուեց Հայոց Ցեղասպանութեան 100-ամեայ տարելիցի առիթով ծրագրուած միջոցառումների նախապատրաստական աշխատանքներին:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
