Apple ընկերությունը նոր iPad-ները կներկայացնի հոկտեմբերի 21-ին

Apple ընկերությունը իր պլանշետային համակարգիչների նոր սերունդը կներկայացնի հոկտեմբերի 21-ին: Այդ մասին, ինչպես տեղեկացնում է «Արմենպրես»-ը, հաղորդել է Daily Dot հրատարակությունը՝ վկայակոչելով իրազեկ աղբյուրներ:

Սպասվում է, որ միջոցառմանը կցուցադրվի լիաչափ iPad-ի վեցերորդ սերունդը, ինչպես նաև կոմպակտ iPad mini-ի երրորդ սերունդը: Ինչպես և անցյալ տարվա մոդելները՝ iPad Air-ը և iPad mini 2-ը, նոր պլանշետները, ըստ կանխատեսումների, կունենան 9,7 և 7,9 դյույմ անկյունագծով էկրաններ: