Սերժ Սարգսյանը շնորհավորական ուղերձ է հղել «Գոլոս Արմենիի» թերթի գլխավոր խմբագիր Ֆլորա Նախշքարյանին
Հասարակություն
Նախագահ Սերժ Սարգսյանն այսօր շնորհավորական ուղերձ է հղել «Գոլոս Արմենիի» թերթի գլխավոր խմբագիր Ֆլորա Նախշքարյանին՝ հոբելյանի առթիվ: Նախագահի ուղերձում ասված է.
«Դուք' որպես լրագրող և խմբագիր, մեծ ավանդ ունեք հայ լրագրության զարգացման գործում: Ձեր ղեկավարած «Գոլոս Արմենիի» թերթը Հայաստանի հասարակական և քաղաքական կյանքի կարևոր մասնակիցն ու բաղկացուցիչն է: «Գոլոս Արմենիին», լինելով մեր ռուսալեզու մամուլի առաջատարներից մեկը, ունի լրացուցիչ առաքելություն նաև արտերկրում ռուսալեզու ընթերցողներին ներկայացնելու հայաստանյան իրականությունը, նրա խնդիրներն ու դիրքորոշումները: Այդ առաքելությունը ևս Դուք կատարում եք բարեխղճորեն և մասնագիտական բարձր մակարդակով:
Կրկին շնորհավորում եմ Ձեզ հոբելյանի առթիվ և մաղթում առողջություն, անձնական երջանկություն և նորանոր հաջողություններ Ձեր գործունեության մեջ»:
ՈՒՂԻՂ ԵԹԵՐ
Ամենադիտված 
Պաշտոնանկություն՝ Նիկոլ Փաշինյանի որոշմամբ
