Բակո Սահակյանի շնորհավորական ուղերձը. Հարավ-օսիական եղբայրական ժողովուրդն անցել է դեպի անկախություն տանող դժվարին ուղի
Արցախ
Արցախի Հանրապետության Նախագահ Բակո Սահակյանը սեպտեմբերի 20-ին շնորհավորական ուղերձ է հղել Հարավային Օսիայի Հանրապետության Նախագահ Լեոնիդ Տիբիլովին:
Ուղերձում, մասնավորապես, ասված է.
«Հարգելի Լեոնիդ Խարիտոնի,
Արցախի Հանրապետության իշխանությունների, ժողովրդի և անձամբ իմ անունից սրտանց շնորհավորում եմ Ձեզ և Հարավային Օսիայի ողջ ժողովրդին Հանրապետության օրվա առթիվ:
Հարավ-օսիական եղբայրական ժողովուրդն անցել է դեպի անկախություն տանող դժվարին ուղի՝ զենքը ձեռքին պաշտպանելով իր պատիվն ու ազատությունը: Հարավային Օսիայի փառավոր որդիների ու դստրերի հայրենասիրությունն ու անձնազոհությունն արժանի են ամենաբարձր գնահատանքի:
Այսօր Հարավային Օսիան մտել է իր պատմության մի նոր փուլ՝ խաղաղ ու ստեղծագործ աշխատանքով զարգացնելով ու ամրապնդելով իր անկախ պետականությունը, բարձրացնելով քաղաքացիների բարեկեցությունը:
Արցախում բարձր են գնահատում Հարավային Օսիայի հետ բարեկամությունը եւ համոզված են, որ մեր կապերը առաջիկայում եւս շարունակաբար կզարգանան:
Մեկ անգամ եւս ընդունեք իմ անկեղծ շնորհավորանքները ազգային տոնի առթիվ: Խաղաղություն և բարօրություն, նորանոր հաջողություններ և ձեռքբերումներ եղբայրական Հարավային Օսիային»:
ՈՒՂԻՂ ԵԹԵՐ
Ամենադիտված 
Դերասանուհու որդին հիվանդանոցում մահացել է. որն էր եղել վեճի բուն պատճառը, ինչու էին կրակել նրան
