Օգնության են հասել փրկարարները

Սեպտեմբերի 20-ին` ժամը 18.52-ին, ահազանգ է ստացվել, որ Երևանի Աթենքի փողոցի սկզբնամասում բեռնատարն արգելափակվել է փոսի մեջ, դուրս բերելու համար անհրաժեշտ է օգնություն:

Դեպքի վայր է մեկնել մեկ մարտական հաշվարկ:

Հրշեջ-փրկարարները «Սկանյա» մակնիշի A4113KA պ/հ բեռնատարը և կցորդիչը՝ A2364EK պ/հ (վարորդ՝ Ռ. Պ.՝ ծնվ. 1987թ.) դուրս են բերել արգելափակումից:

***
Սեպտեմբերի 20-ին` ժամը 18.28-ին, ահազանգ է ստացվել, որ Երևանի Կողբացի փողոցի թիվ 3 շենքի վերելակում քաղաքացի է արգելափակվել. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Հրշեջ-փրկարարները վերելակից դուրս են բերել Է. Օ.-ին:

***
Սեպտեմբերի 20-ին` ժամը 17.34-ին, ահազանգ է ստացվել, որ Երևանի Բարբյուսի փողոցի թիվ 63 շենքի վերելակում (5-րդ հարկ) քաղաքացի է արգելափակվել. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Հրշեջ-փրկարարները վերելակից դուրս են բերել Հ. Շ.-ին (ծնվ. 2008թ):

***
Սեպտեմբերի 20-ին` ժամը 14.57-ին, տեղեկություն է ստացվել, որ Երևանի Նանսենի փողոցի թիվ 17 շենքի 12-րդ հարկից խողովակ է կախված. առկա է ընկնելու վտանգ. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ և ՀՆՓԱԻԿ փրկարարական ջոկատը:

Փրկարարներն ապամոնտաժել են ծխատար խողովակը՝ 18 գմ:

***
Սեպտեմբերի 20-ին` ժամը 14.11-ին, ահազանգ է ստացվել, որ Երևանի Տիգրան Մեծ պողոտայի թիվ 43 շենքի տանիքի թիթեղը պոկվել է, առկա է ընկելու վտանգ. անհրաժեշտ է փրկարարների օգնությունը:

Դեպքի վայր է մեկնել ՀՆՓԱԻԿ փրկարարական ջոկատը:

Փրկարարներն ապամոնտաժել են տանիքից կախված երկաթյա թիթեղը՝ 1 քմ և Վ. Մ.-ին պատկանող թիվ 17/1 բնակարանի պատշգամբից կախված բետոնե կառուցատարրերը: