«Սիսի կաթողիկոսության կալվածքների վերադարձի գործին պետք է ներգրավել լավագույն մասնագետներին». Հարութ Սասունյան
Հասարակություն
«Կալիֆորնիա Կուրիեր» թերթի հրատարակիչ և խմբագիր Հարութ Սասունյանը խրախուսելի և կարևոր քայլ է համարում Մեծի Տանն Կիլիկիո կաթողիկոսի որոշումն` այս տարի դիմել թուրքական դատարան՝ Կիլիկիայի պատմական հայկական թագավորության տարածքում գտնվող Սիսի նստավայրը և կալվածքները վերադարձնելու պահանջով: «Առաջին քայլը պետք է լինի տեղական դատարան դիմելը, որից հետո ն որ կդիմենք Վճռաբեկ դատարան, ապա Սահմանադրական դատարան: Արդեն երկար տարիներ նշվում է, որ Հայոց ցեղասպանության ճանաչումը շատ բան չի կարող տալ և պետք է զբաղվել պահանջատիրության հարցով` Թուրքիայից պահանջելով հատուցում, հայկական հողերի և կալվածքների, եկեղեցական ունեցվածքի, բանկերում պահ տրված գումարների վերադարձն իրենց օրինական տերերին: Սակայն, պետք է շատ զգույշ այդ ամենն անել: Պետք է լավ պատրաստված լինենք:
Եթե դատարան դիմենք, չեմ խոսում թուրքական, այլ ավելի բարձր եվրոպական դատարանի մասին, և տանուլ տանք դատը, ապա դա կործանիչ հետևանքներ կու նենա Հայ դատի համար»,- «Արմենպրես»-ի հարցին ի պատասխան` պարզաբանեց Սասունյանը` հավելելով, որ պարտադիր չէ միայն հայ մասնագետների հետ աշխատել, այլ գործին պետք է ներգրավել լավագույններին` հաջողության հասնելու համար:
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
