Պուտինը Պան Գի Մունի հետ քննարկել է Ուկրաինան և Սիրիայի ռմբակոծումները
ԱՐԽԻՎ
Ռուսաստանի նախագահ Վլադիմիր Պուտինը և ՄԱԿ-ի գլխավոր քարտուղար Պան Գի Մունը հեռախոսազրույցի ընթացքում քննարկել են Ուկրաինայի ճգնաժամային իրադրությունը, ինչպես նաև կարծիքներ են փոխանակել «Իսլամական պետություն» խմբավորման դեմ պայքարում միջազգային հանրակցության ջանքերը միավորելու շուրջ: Այդ մասին, ինչպես տեղեկացնում է «Արմենպրես»-ը, սեպտեմբերի լույս 23-ի գիշերը հաղորդել է Կրեմլի մամուլի ծառայությունը:
Ուկրաինայի իրադրության կապակցությամբ կողմերը դրական գնահատական են տվել երկրի հարավ-արևելքում հրադադարի վերաբերյալ Շփման խմբի Մինսկի հանդիպմանը ձեռք բերված պայմանավորվածություններին: «Պատրաստակամություն է հայտնվել ամեն կերպ օժանդակել խաղաղ գործընթացի ամրապնդմանը»,- ասված է հաղորդագրության մեջ:
Դրա հետ մեկտեղ Պուտինը ՄԱԿ-ի գլխավոր քարտուղարին հայտարարել է «Իսլամական պետության»՝ Սիրիայի տարածքում գտնվող հենակետերին առանց սիրիական կառավարության համաձայնության հարվածներ հասցնելու անթույլատրելիության մասին:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
