ՄԱԿ-ի ԱԽ-ն բանաձև է ընդունել միջազգային ահաբեկչության դեմ պայքարի վերաբերյալ
ԱՐԽԻՎ
ՄԱԿ-ի Անվտանգության խորհուրդը միաձայն ընդունել է բանաձև, որը պետություններին պարտավորեցնում է «կանխել ու կասեցնել» քաղաքացիների մասնակցությունն արտասահմանյան հակամարտություններին, տեղեկացնում է «Արմենպրես»-ը՝ հղում անելով Reuters գործակալությանը:
Բացի այդ, օտարերկրացիների հավաքագրումը մարտական խմբավորումներում և դրա խրախուսումը, բանաձևի համաձայն, պետք է քրեական հետապնդման ենթարկվեն: Նման որոշում է ընդունվել «Իսլամական պետության» ագրեսիվ գործողությունների ուժեղացման կապակցությամբ:
Փորձագետները հայտարարում են, որ Սիրիայում և Իրաքում ծայրահեղական խմբավորումների կողմում կռվում է ավելի քան 70 երկրի շուրջ 12 հազար մարտիկ:
Բանաձևն առաջարկել էր Միացյալ Նահանգները, որը սեպտեմբերին նախագահում է Անվտանգության Խորհուրդը: ԱՄՆ-ի նախագահ Բարաք Օբաման ՄԱԿ-ի Գլխավոր ասամբլեային հղած սեպտեմբերի 24-ի իր ուղերձում հայտարարել է, որ այդ բանաձևն աշխարհին հիշեցնում է ծայրահեղականությանը հակազդելու նրա պատասխանատվության մասին:
«Հաջորդ տարի մենք բոլորս պետք է պատրաստ լինենք հրապարակել այն կոնկրետ քայլերը, որոնք ձեռնարկել ենք մեր երկրներում ծայրահեղական գաղափարախոսությունների դեմ պայքարելու համար»,- ասել է ԱՄՆ-ի նախագահը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
