Մոսկվայում ձախողվել է Մակարևիչի համերգը

Մոսկվայում' Երաժշտության տանը, անհայտ անձինք խափանել են «Машина времени» խմբի առաջնորդ Ալեքսանդր Մակարևիչի համերգը: Այդ մասին «Дождь» հեռուստաալիքին պատմել է հանդիսականներից մեկը:

Նրա խոսքով' ելույթը սկսելուց կես ժամ անց 5-6 տղամարդ, որոնք նստած են եղել սրահի առաջին շարքում 'այսպես ասած VIP սրահում, տեղից վեր են կացել, գոռգոռացել' Մակարևիչին մեղադրելով հայրենիքին դավաճանելու մեջ, և ցաքուցրիվ արել А4 ֆորմատի թղթեր:

«Արմենպրես»-ի հաղորդմամբ' դրանից հետո երաժիշտը նշել է. «Շնորհակալություն, եթե դուք ավարտել եք, թույլ տվեք, որպեսզի ես շարունակեմ համերգը»: Այնուհետև հանդիսատեսը սկսել ծափահարել' սատարելով Մակարևիչին: Գոռգոռացող տղամարդկանց չեզոքացրել են անվտանգության աշխատակիցները:

Դրանից հետո մարդիկ հազալով սկսել են լքել առաջին շարքերը, և պարզ է դարձել, որ անհայտ անձինք սրահում ցպնել են պրպեղով սփրեյ:

Արդյունքում' Մակարևիչը, նրա խումբը և մնացած հանդիսատեսը ևս ստիպված են եղել լքել դահլիճը: Ականատեսի խոսքով' համերգն, ամենայն հավանականությամբ, չի վերսկսվի:

Վերջին օրերին Մակարևիչը ՌԴ տարբեր քաղաքաներում բախվում է համերգի հետաձգման հետ: Այսպես, Կիրովում երաժիշտի ելույթը հետաձգվել է համերգի կազմակերպիչների կողմից: Մակարևիչի համերգները հետաձգվել են նաև Սանկտ Պետերբուրգում, Նովոսիբիրսկում և Սամարայում:

Հայտնի է, որ Մակարևիչը քննադատության է ենթարկել ՌԴ իշխանություններին' Ուկրաինայի հետ կապված քաղաքականության համար: