Մենք կհաղթահարենք ստեղծված իրավիճակը. Կլոպ

Դորտմունդի «Բորուսիայի» գլխավոր մարզիչ Յուրգեն Կլոպը հերթական անգամ անդրադարձել է Բունդեսլիգայի 6-րդ տուրի շրջանակներում «Շալկեից» 2:1 հաշվով կրած պարտությանը և նշել, որ իրենք դուրս կգան այդ իրավիճակից:

«Այժմ մեզ հաղթանակներ են անհրաժեշտ: Թիմն իր որակները կցուցադրի, և մենք բոլորս միասին կհաղթահարենք ստեղծված իրավիճակը»,- Կլոպի խոսքը մեջբերում է Բունդեսլիգայի պաշտոնական կայքը: 

Հիշեցնենք, որ վեց տուրից հետո դորտմունդցիները 7 միավորով մրցաշարային աղյուսակի 12-րդ տեղում են: