ExxonMobil-ը դադարեցրել է «Ռոսնեֆտի» հետ 10 համատեղ ծրագրերից 9-ը

Միացյալ Նահանգների ExxonMobil նավթային հսկան «Ռոսնեֆտի» հետ 10 համատեղ ծրագրերից 9-ը դադարեցրել է՝ Ռուսաստանի դեմ սահմանված պատժամիջոցների պատճառով: Այս մասին, ինչպես տեղեկացնում է «Արմենպրես»-ը, ԻՏԱՌ-ՏԱՍՍ-ին հաղորդել է ընկերության մամուլի ծառայության ներկայացուցիչ Ալան Ջեֆերսը:

«ExxonMobil-ի և «Ռոսնեֆտի» միջև ռազմավարական համագործակցության համաձայնագիրը նախատեսում է տասը համատեղ ծրագրերի իրագործում, ներառյալ հետախուզումը և պոտենցիալ արդյունահանումը Սև ծովի ափամերձ ծանծաղուտում, Արկտիկայում և Արևմտյան Սիբիրում: ExxonMobil-ը 10 համատեղ ծրագրերից 9-ը դադարեցրել է մինչև սահմանված վերջին ժամկետը՝ սեպտեմբերի 26-ը»,- ասել է Ջեֆերսը: