«Հրապարակ». Հովիկ Աբրահամյանին օգնության է հասել Տիգրան Սարգսյանը

Հովիկ Աբրահամյան վարչապետին միջազգային հանրությունն այդպես էլ չընդունեց: ՌԴ վարչապետ Մեդվեդևը հրաժարվեց նախապես խոստացված այցից, ԱՄՆ, անգամ հարևան Իրան ուղևորությունները չստացվեցին: Աշխարհը օլիգարխիկ վարչապետի կերպարին այնքան էլ լավ չի վերաբերվում, եւ շատ կարեւոր է, որ նրան մի քանի երկրներում ընդունեն, եւ այս առումով սառույցը կոտրվի: Գրում է «Հրապարակ»-ը:

Թերթի տեղեկություններով, վերջինիս այս հարցում օգնության է հասել ոչ այլ ոք, քան իր վաղեմի «բարեկամ» Տիգրան Սարգսյանը, ով հարթել է այս հարցը, եւ Հովիկ Աբրահամյանը մոտ օրերս կմեկնի Վաշինգտոն՝ մասնակցելու Համաշխարհային բանկի տարեկան համաժողովին: Թերևս Տիգրան Սարգսյանն այնքան էլ հոժարակամ չի նպաստել այս ուղևորությանը, մեր տեղեկություններով՝ նման այց կազմակերպելու հանձնարարական է տվել Սերժ Սարգսյանը, ԱՄՆ կատարած վերջին այցի ժամանակ: Այցի կազմակերպման հարցում դեր է խաղացել այն, որ Տիգրան Սարգսյանը ելումուտ ունի Սպիտակ տուն:

Շարունակությունը՝ թերթի այսօրվա համարում: