Բեռնար Շալանդը հրապարակել է ազգային հավաքականի կազմը

Հոկտեմբերի 11-ին Հայաստանի ազգային հավաքականը կանցկացնի Եվրո-2016-ի ընտրական փուլի հերթական հանդիպումը՝ հյուրընկալելով Սերբիայի հավաքականին, իսկ հոկտեմբերի 14-ին տեղի կունենա Հայաստան-Ֆրանսիա ընկերական հանդիպումը. տեղեկացնում է ՀՖՖ-ի պաշտոնական կայքը: Այդ հանդիպումներին նախապատրաստվելու համար Հայաստանի ազգային հավաքականը հոկտեմբերի 6-ից 14-ը կանցկացնի մարզական հավաք ՀՖՖ Տեխնիկական կենտրոնում՝ Ֆուտբոլի ակադեմիայում: Հայաստանի ազգային հավաքականի գլխավոր մարզիչ Բեռնար Շալանդն արդեն հրապարակել է այն ֆուտբոլիստների անունները, ովքեր ստացել են մարզական հավաքին մասնակցելու հրավեր.

Դարպասապահներ

Ռոման Բերեզովսկի «Դինամո» (Մոսկվա, Ռուսաստան)
Գևորգ Կասպարով «Միկա»
Արսեն Բեգլարյան «Ուլիս»

Պաշտպաններ

Հովհաննես Համբարձումյան «Վարդար» (Մակեդոնիա)
Լևոն Հայրապետյան «Պրիբրամ» (Չեխիա)
Հրայր Մկոյան «Էսթեղլալ» (Իրան)
Ռոբերտ Արզումանյան «Ակտոբե» (Ղազախստան)
Վարազդատ Հարոյան «Փյունիկ»
Տարոն Ոսկանյան «Փյունիկ»
Կամո Հովհաննիսյան «Փյունիկ»
Ալեքս Էնրիկե դա Սիլվա «Միկա»

Կիսապաշտպաններ

Կառլեն Մկրտչյան «Մետալուրգ» (Դոնեցկ, Ուկրաինա)
Էդգար Մանուչարյան «Ուրալ» (Ռուսաստան)
Գևորգ Ղազարյան «Օլիմպիակոս» (Հունաստան)
Նորայր Ասլանյան «Ալմերե Սիթի» (Հոլանդիա)
Ռումյան Հովսեփյան «Մետալուրգ» (Դոնեցկ, Ուկրաինա)
Արթուր Եդիգարյան «Կայրաթ» (Ղազախստան)
Արտակ Դաշյան «Վարդար» (Մակեդոնիա)
Մարկոս Պիցելլի «Ակտոբե» (Ղազախստան)
Զավեն Բադոյան «Գոմել» (Բելառուս)
Արտյոմ Սիմոնյան «Զենիթ» (Ռուսաստան)
Մասիս Ոսկանյան «Փյունիկ»

Հարձակվողներ

Արթուր Սարկիսով «Վոլգա» (Ռուսաստան)
Արթուր Միրանյան «Վարդար» (Մակեդոնիա)
Ալեքսանդր Կարապետյան «Դյուդելանժ» (Լյուքսեմբուրգ)

Ավելացնենք, որ առաջին անգամ Հայաստանի ազգային հավաքական է հրավիրվել Լյուքսեմբուրգի «Դյուդելանժ» ակումբում հանդես եկող հարձակվող Ալեքսանդր Կարապետյանը: Չնայած Գևորգ Ղազարյանը և Հրայր Մկոյանն ընդգրկած են հավաքական հրավիրված ֆուտբոլիստների ընդհանուր հայտացուցակում, սակայն նրանց մասնակցությունը առաջիկա հանդիպումներին հարցականի տակ է, քանի որ երկու ֆուտբոլիստներն էլ, հնարավոր է, չհասցնեն ապաքինվել վնասվածքներից: