Բունդեսլիգան առաջնային է մեզ համար. Կլոպ

Դորտմունդի «Բորուսիայի» գլխավոր մարզիչ Յուրգեն Կլոպը հայտարարել է, որ Գերմանիայի առաջնությունն իր թիմի համար առաջնային մրցաշար է:

«Բունդեսլիգան առաջնային մրցաշար է մեզ համար: Պետք է հաղթենք «Համբուրգին», որպեսզի ուղղենք «Շալկեից» կրած պարտությունը: Եվրագավաթներում խաղի հետ կապված խնդիրները միշտ էլ կան, չէ՞ որ խաղացողները վերականգնման համար ստանում են երկու-երեք օր ընդամենը: Մենք մեզանից կախված ամեն ինչ կանենք»,- Կլոպի խոսքը մեջբերում է գերմանական մամուլը:

Նշենք, որ Բունդեսլիգայի 7-րդ տուրում դորտմունդցիները կհյուրընկալեն «Համբուրգին»:

Հանդիպումը տեղի կունենա այսօր՝ Երևանի ժամանակով 17:30-ին: