«ՉԻ». «ՀՀ կառավարության կազմում լուրջ փոփոխություններ են սպասվում. Արմեն Գևորգյանը հեռանում է»

«ՉԻ» տեղեկություններով՝ առաջիկայում ՀՀ կառավարության կազմում լուրջ փոփոխություններ են սպասվում: Թերթի տեղեկություններով՝ փոխվարչապետ, տարածքային կառավարման նախարար Արմեն Գևորգյանն արդեն գրել է իր հրաժարականի դիմումը: Խնդիրն այն է, որ վերջինս այլևս չի ուզում աշխատել կառավարությունում:

Սերժ Սարգսյանն առանձնապես ծանր է տանում Արմեն Գևորգյանի հեռանալու փաստը: Նրա հանձնարարականով՝ Հովիկ Աբրահամյանը զրուցել է Գևորգյանի հետ՝ փորձելով հասկանալ նրա որոշման պատճառները:

Սակայն Գևորգյանը պնդել է հրաժարականի մասով, վստահեցնելով, որ ինքն ամեն ինչից գոհ է, և չկա մի բան, որ իրեն խանգարեր աշխատանքային գործունեության ընթացքում:

Արմեն Գևորգյանի փոխարեն այժմ նոր մարդիկ են փնտրվում:

Շարունակությունը՝ թերթի այսօրվա համարում: