Հայաստանի ռուսական ավիաբազայում կործանիչներ են հայտնվել՝ սրբերի դիմապատկերներով (լուսանկարներ)

Հայաստանի ռուսական ավիաբազայում ՄիԳ-29 երեք արդիական բազմանպատակային կործանիչների կողերին տեղ են գտել սուրբ իշխաններ Ալեքսանդր Նևսկու, Դմիտրի Դոնսկոյի և սուրբ նահատակ Մերկուրի Սմոլենսկու դիմապատկերները: Հավատացյալ զինծառայողների հետ աշխատանքի գծով ՌԴ զորամիավորման հրամանատարի օգնական վարդապետ Անդրեյը (Վացը) կատարել է արդի ավիացիոն տեխնիկայի օծման ծիսակարգ: Այդ մասին «Արմենպրես»-ին տեղեկացրել են ՌԴ Հարավային ռազմական օկրուգի մամուլի ծառայությունից:

Մարտական ինքնաթիռների վրա սրբերի դիմանկարները պատկերվել են ավիաբազայի հրամանատար գնդապետ Ալեքսանդր Պետրովի նախաձեռնությամբ: Զինվորական օդաչուները համոզված են, որ մարտական մեքենաների ֆյուզելաժների վրա սրբերի դիմապատկերները ոչ միայն պաշտպանում են իրենց, այլև ամրապնդում են անձնակազմի մարտական ոգին: