Իսպանիայի առաջնության լավագույն մարզիչը և ֆուտբոլիստը

«Վալենսիայի» գլխավոր մարզիչ Նունու Էսպիրիտու Սանտուն ճանաչվել է Իսպանիայի առաջնության սեպտեմբեր ամսվա լավագույն մարզիչ: Այս մասին տեղեկացնում է առաջնության պաշտոնական կայքը:

«Վալենսիան» ընթացիկ մրցաշրջանում գտնվում է մրցաշարային աղյուսակի երկրորդ հորիզոնականում և Լա լիգայի մեկնարկային 7 խաղերում չունի պարտություն:

Լավագույն ֆուտբոլիստ ճանաչվել է «Սելտայի» 27-ամյա ֆուտբոլիստ Նոլիտոն: Ֆուտբոլիստը սեպտեմբերին մասնակցել է 4 խաղի, հեղինակել 3 գոլ և կատարել մեկ գոլային փոխանցում: