Գրոզնիում բազմահազարանոց երթով են նշել Պուտինի ծննդյան օրը

Գրոզնու կենտրոնական շրջանում հոկտեմբերի 7-ին բազմահազարանոց երթ է անցկացվել Ռուսաստանի նախագահ Վլադիմիր Պուտինի ծննդյան օրվա կապակցությամբ, տեղեկացնում է «Արմենպրես»-ը՝ հղում անելով ՌԻԱ Նովոստիին:

«Ակցիայի մանակիցները տանում են Ռուսաստանի և Չեչնիայի՝ մինչև 600 մետր երկարությամբ դրոշներ և վանկարկում՝ «Ռուսաստան», «Չեչնիա»:

Երթը մեկնարկել է Մինուտկա հրապարակից և շարժվում է Ահմադ Քադիրովի պողոտայով: Ինչպես հայտնել է Չեչնիայի ՆԳ նախարարության ներցկայացուցիչը, միջոցառմանը «մինչև հարյուր հազար մարդ» է մասնակցում:

Երթը կավարտվի տոնական համերգով և ժողովրդական տոնախմբությամբ:

ՌԴ-ի նախագահի մամուլի քարտուղար Դմիտրի Պեսկովը նախօրյակին հայտնել է, որ Վլադիմիր Պուտինն իր ծննդյան օրը կդիմավորի սիբիրյան տայգայում՝ բնակավայրերից հեռու:

Հոկտեմբերի 7-ին լրանում է Պուտինի 62-ամյակը:

«Պուտինը վաղը հանգստյան օր է վերցնելու: Այսօր երեկոյան նա կմեկնի Սիբիր, սիբիրյան տայգա՝ մերձակա բնակավայրից 300-400 կիլոմետր հեռու ընկած շրջան, որտեղ նա կհանգստանա իր ծննդյան օրը»,-լրագրողներին հայտնել է Պեսկովը:

Նա պարզաբանել է, թե վայրի ընտրությունը կապված է այն բանի հետ, որ հոկտեմբերի 8-ին նախագահը պաշտոնական միջոցառումներ է անցկացնելու Սիբիրում: