«Հրապարակ». «Սերժի՛կ, հեռացիր, Ծառուկյաաաա՛ն»

Մինչ հանրահավաքի մեկնարկը, մարդիկ իրար հերթ չտալով՝ զրուցում էին քաղաքականությունից, միջազգային հարաբերություններից, կենցաղային թեմաներից, նույնիսկ ծրագրեր էին մշակում, թե ինչպես են իշխանություններին տապալելու և հեղափոխություն կազմակերպելու: Գրում է «Հրապարակ»-ը:

Երկու կին ասում էին. «Ա՛յ մարդ, ավելի լավ ա Ծառուկյանը, քան Քոչարյանը»: «Էդ ինչի՞ որ»: «Ես էդ Քոչարյանի խաղերից վախենում եմ», ու թվարկում էր Քոչարյանի երբևէ կատարած քաղաքական սխալ քայլերը: Մինչ կանայք քննարկում էին, թե ում կցանկանային տեսնել Հայաստանի հաջորդ նախագահ, մի խումբ տարեց տղամարդիկ էլ խոսում էին հանրահավաքի եկածների մասին. «Քան թե ջահելները գային, մենք ենք եկել»:

«Ուզում եմ, որ բոլորը հարուստ լինեն և քյասիբ չլինեն: Եթե այսօր եռյակն ասի՝ գնում ենք իշխանափոխության, խնդիր չունեն, իրանց հետեւից մինչեւ վերջ գնալու ենք»: Իսկ Գագիկ Ծառուկյանի մի համակիր ելույթների ժամանակ բղավում էր. «Սերժի՛կ, հեռացիր, Ծառուկյաաաա՛ն», քաշում էր մազերը, վրայից պոկում շորերը: Մարդիկ փորձում էին հանգստացնել՝ չէր ստացվում: Մի կին էլ հպարտությամբ իր վրա էր ամրացրել «Սերժո Կոնչիտա» գրությամբ պաստառ, որի վրա պատկերված էր նախագահ Սերժ Սարգսյանը տրանսվիստիտի կերպարում, եւ հպարտորեն աջ ու ձախ էր քայլում:

Շարունակությունը` թերթի այսօրվա համարում: