«Հրապարակ». «Առաջին անգամ բարձրաստիճան հայ պաշտոնյան մեկնում է ԱՄՆ, և տանտերերը չեն ընդունում վերջինիս»
Հայկական Մամուլ
Որպես կանոն, կոնֆերանսներն ու միջազգային գիտաժողովները լավ առիթ են, որպեսզի դրանց մասնակցելու նպատակով տվյալ երկիր ժամանած բարձրաստիճան պաշտոնյան պետական մակարդակի հանդիպումներ ունենա: Սակայն Հայաստանի պատմության մեջ առաջին անգամ բարձրաստիճան հայ պաշտոնյան մեկնում է ԱՄՆ, և տանտերերը չեն ընդունում վերջինիս: Ավելին, դեսպանատանը կազմակերպված ընդունելությանը ժամանում է ԱՄՆ արտգործնախարարի տեղակալի օգնականը: Գրում է «Հրապարակ»-ը:
Մինչդեռ ՀՀ վարչապետները, այդ թվում Վազգեն, Սերժ, Տիգրան Սարգսյանները, ժամանակին ընդունելության են արժանացել Սպիտակ տանը՝ փոխնախագահների մակարդակով, իսկ Հովիկ Աբրահամյանին ԱՄՆ կատարած այցի ժամանակ որևէ ամերիկյան բարձրաստիճան պաշտոնյա չի ընդունել:
Նա մասնակցել է Համաշխարհային բանկի ամենամյա միջոցառմանը, մի քանի արարողակարգային հանդիպումներ ունեցել, հանդես է եկել հայ համայնքի առաջ և վերադարձել Երևան: Հավանաբար, ամերիկացիները նրան ընկալում են վիքիլիկսյան փաստաթղթերում տեղ գտած բնորոշումների պրիզմայով և չեն պատրաստվում վերանայել իրենց վերաբերմունքը:
Շարունակությունը՝ թերթի այսօրվա համարում:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
