«Իմ տունը քանդել են և հանել շպրտել են փողոց»
Հասարակություն
Բնակարանների պահանջով այսօր կառավարության շենքի առջև կրկին մարդաշատ էր:
Լուրեր.com-ի հետ զրույցում ցուցարարներից մեկն, ով չցանկացավ ներկայանալ, նշեց, որ իրենք արդեն ութ տարի է, ինչ զրկվել են իրենց բնակարանից:
«Իմ տունը քանդել են, գերակա շահ են ճանաչել և հանել շպրտել են փողոց առ այսօր: 2008 թվականից մինչև այսօր մենք փողոցներում ենք: Բողոքում ենք և ոչ մի արդյունք չենք ստանում: Ճնշված անօգուտ ապրում ենք՝ ողբալի վիճակով»,- ասաց խաբված բնակիչներից մեկը:
Վերջինս նշեց, որ ինքն այժմ վարձով է ապրում: Այդ տները քանդել են, և դրանք ինչ-որ ինվեստոր է գնել, նա էլ մեզ հետ իբրև թե պայմանագրեր է կնքել, որպեսզի բնակարան տա, բնակարանները չեն տալիս: Պետք է կառուցվեր շենք Ֆիդուսիի վրա, որն էլ չի կառուցվում, և այսպես ութ տարի մենք գտնվում ենք փողոցում»,- նշեց նա:
Պատասխանելով հարցին, թե ինչ ակնկալիքներ կան նոր վարչապետից՝ խաբված բնակիչն ասաց. «Եթե իրեն գումար տան, ասեն շենք կառուցի, ինձ թվում է ինքը կկառուցի և կտա: Մեր նոր վարչապետը քաղաքի տղայա, կանի էդքան բանը»:
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
