Հայտնի է դարձել «Օսկարի» մրցանակաբաշխության արարողության հաղորդավարի անունը

Ամերիկյան կինոակադեմիայի «Օսկար» մրցանակի հանձնման արարողությունը 2015 թվականին կվարի դերասան Նիլ Պատրիկ Հարրիսը: Այդ մասին, ինչպես տեղեկացնում է «Արմենպրես»-ը, հոկտեմբերի 16-ին հաղորդել է Variety հրատարակությունը:

Մրցանակաբաշխությունը տեղի կունենա փետրվարի 22-ին:

Ավելի վաղ Հարրիսն արդեն հանդես է եկել նման արարողությունների ժամանակ, բայց այն կվարի առաջին անգամ: Անցյալ տարի նա «Թոնի» թատերական մրցանակի պարգևների հանձնման արարողության հաղորդավարն էր, նաև 2013 և 2009 թվականներին վարել է «Էմմիի» մրցանակաբաշխությունը:

Դերասանն ինքն է այդ նորությունը հայտնել սոցիալական ցանցերում:

«Օսկարի» մրցանակաբաշխության 87-րդ արարողությունը հեռարձակվելու է 226 երկրներում, հաղորդել է «Ինտերֆաքս» գործակալությունը: