ՀՀ ՊՆ-ն ունի անհրաժեշտ ներուժ ոլորտում հեռանկարային բարեփոխումների համար. Սեյրան Օհանյան

Պաշտպանության ոլորտի բյուջետավորումը բարդ գործընթաց է, որն իրականացվում է պլանավորման, ծրագրավորման և բյուջետավորման ծրագրին համապատասխան և որի շրջանակներում ֆինանսական ռեսուրսներ են հատկացվում տարբեր գործառույթների համար: Այս մասին «Պաշտպանության ոլորտի բյուջեի պլանավորումը և ծախսերի արդյունավետ վերահսկողությունը» թեմայով խորհրդարանական լսումների ժամանակ ասաց ՀՀ պաշտպանության նախարար Սեյրան Օհանյանը: «Հայաստանի Հանրապետության կառավարության գործունեության ծրագրով նախատեսված պետական ծախսերի ծրագրավորման գործընթացի բարեփոխումների զարգացման հայեցակարգին համապատասխան ֆինանսական ռեսուրսների ձևավորման և օգտագործման արդյունավետության բարձրացման նպատակով պաշտպանության նախարարությունում համապատասխան միջոցառումներ են իրականացվում նաև ռազմական կարիքների բյուջեն կազմելու, հաստատելու, կատարելու, կատարման մասին հաշվետվություն կազմելու գործընթացը սահմանված կարգով իրականացնելու ուղղությամբ,- «Արմենպրես»-ի հաղորդմամբ՝ նշեց Օհանյանը:

Սեյրան Օհանյանը շեշտեց, որ պաշտպանության նախարարությունն ունի անհրաժեշտ ներուժ ոլորտում հայեցակարգային և հեռանակարային բարեփոխումներ, որոնց շնորհիվ պաշտպանության նախարարության համակարգում կբարձրացվի կառավարման արդյունավետությունը՝ նպաստելով պաշտպանական բարեփոխումների համալիրի իրականացմանը և որպես արդյունք ազգային անվտանգության ապահովմանը:

ՀՀ պաշտպանության նախարարն ընդգծեց, պաշտպանության ոլորտում իրականացվող բարեփոխումների շրջանակներում վերջին երեք տարիների ընթացքում նախապատրաստական աշխտանքներն ուղղվել են ծրագրային բյուջետավորման բարեփոխումներին, այդ թվում՝ պլանավորման և բյուջետավորման գործընթացների կատարելագործման միջոցով պաշտպանական ծախսերի կառավարման արդյունավետությունը բարձրացնելու համար, ինչն իր դրական ազդեցությունը կթողնի բարեփոխումների համար: «Պաշտպանության նախարարության համակարգում բյուջետավորման գործընթացի բարեփոխումների կարևորությունը շեշտելու համար հարկ եմ համարում նշել, որ պաշտպանության ծախսերը մեծ տեսակարար կշիռ ունեն պետական բյուջեի ծախսային մասում: Սա նշանակում է պատասխանատվության քաղաքականություն և թափանցիկության առաջադրում, որը կբերի արդյունավետ կառավարման և զինված ուժերի համակարգի բարելավման՝ ժամանակակից իրողությունների և առկա միտումներին համապատասխան»,- ասաց նախարարը:

Սեյրան Օհանյանը շեշտեց, որ պաշտպանության նախարարությունն ունի անհրաժեշտ ներուժ ոլորտում հայեցակարգային և հեռանակարային բարեփոխումներ, որոնց շնորհիվ պաշտպանության նախարարության համակարգում կբարձրացվի կառավարման արդյունավետությունը՝ նպաստելով պաշտպանական բարեփոխումների համալիրի իրականացմանը և որպես արդյունք ազգային անվտանգության ապահովմանը: