ԵԽ գլխավոր քարտուղարն Ալիևին կոչ է արել ազատել քաղբանտարկյալներին
Արտաքին Քաղաքական
Եվրախորհրդի գլխավոր քարտուղար Թյորբյորն Յագլանդն Ադրբեջանի իշխանություններին կոչ է արել ազատ արձակել ադրբեջանցի քաղբանտարկյալներին: Ինչպես հաղորդում է «Արմենպրես»-ը, այս մասին տեղեկացնում է ադրբեջանական Contact.az-ը:
Նա դրական է գնահատել Ադրբեջանի և ԵԽ միջև մարդու իրավունքների հարցերով համատեղ աշխատանքային խմբի ստղծումը, որում թե’ իշխանության, թե’ քաղաքացիական հասարակության անդամներ են ընդգրկված: 2008 թվականից մինչև հիմա առաջին անգամ աշխատանքային խմբի գումարած նիստին ներկա են եղել շուրջ 18 իրավապաշտպան, խորհրդարանի անդամ և նախագահի աշխատակազմի ներկայացուցիչներ:
«Ես անկեղծորեն հույս ունեմ, որ այսօրվա նիստը կհանգեցնի շոշափելի արդյունքների և մեծ թվով ակտիվիստների ազատ արձակման: Մասնավորապես, ես անհամբերությամբ սպասում եմ «Ռեալ» շարժման առաջնորդ Իլգար Մամեդովի ազատմանը, ինչի վերաբերյալ Մարդու իրավունքների եվրոպական դատարանը հրապարակել է իր վերջնական որոշումը»,- հայտարարել է Յագլանդը:
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
