Հայաստանի ռուսական ռազմակայանի զինծառայողները արյուն են հանձնել

Հայաստանի ռուսական ռազմակայանի Գյումրիի և Երևանի կայազորների 400-ից ավելի զինծառայող, քաղաքացիական անձնակազմի ու նրանց ընտանիքների անդամներ շուրջ 200 լիտր արյուն ու դրա բաղադրիչներ են հանձնել հանրապետությունում դրանց կարիքն ունեցողների համար: Ռուսական զորամիավորումում արյուն հանձնելու ավանդական միջոցառումն անցկացվել է արդեն հինգերորդ անգամ:

Ինչպես «Արմենպրես»-ին տեղեկացրել են ՌԴ Հարավային ռազմական օկրուգի մամուլի ծառայությունից, ռազմակայանի Գյումրիում գտնվող կլինիկական հոսպիտալում արյունը վերցրել են բարձր որակավորում ունեցող բուժաշխատողները: Բուժհաստատության սրահում արյուն հանձնող դոնորների համար կազմակերպվել է լուսանկարների ցուցահանդես և ներկայացվել է դոնորական օգնություն ցուցաբերելու իրազաննական ձեռնարկ, որոնք նպատակամղված են արյան դոնորության խնդիրների լուսաբանմանը:

Միջին հաշվով արյուն տալու ցանկություն հայտնածներից յուրաքանչյուրն անհատույց մոտավորապես 400 միլիգրամ արյուն է հանձնել: Լաբորատորիայում արյան ստուգումից հետո այն կփոխանցվի Հայաստանի Հանրապետության բուժհաստատություններին՝ դրա կարիքն ունեցող բնակիչներին օգնելու համար:

«Պետք է ձգտել այն բանին, որ Հայաստանում, ինչպես և քաղաքակիրթ բոլոր երկրներում, դոնորությունը լինի կամավոր ու անհատույց»,-նշել է ռուսական ռազմակայանի բժշկական ծառայության պետ, բժշկական ծառայության մայոր Մաշրաբ Մադալիևը: