Ֆրանսիայի մշակույթի նախարարը խոստովանել է, որ գիրք չի կարդում

Ֆրանսիայի մշակույթի նախարար Ֆլեր Պելերինը քննադատության օբյեկտ է դարձել այն բանից հետո, երբ պարզվել է, որ նա վերջին երկու տարվա ընթացքում ոչ մի գեղարվեստական գիրք չի ընթերցել, տեղեկացնում է «Արմենպրես»-ը՝ հղում անելեվ BBC-ին:

Հեռուստատեսային հարցազրույցի ընթացքում նախարարը, պատասխանելով այն հարցին, թե Նոբելյան մրցանակի ներկայիս դափնեկիր Պատրիկ Մոդիանոյի գրքերից որն է իրեն առավել սրտամոտ, հայտնել է, որ ընդհանրապես չի կարդացել այդ գրողի գրքերը:

Որպես արդարացում Ֆլեր Պելերինը հայտարարել է, որ աշխատանքը խլում է իր բոլոր ուժերը, և գեղարվեստական գրականություն ընթերցելու համար ժամանակ չի մնում: