«Հրապարակ». Ստեղծվել է քննարկումների ակումբ. քննարկումների մասնակցում են քաղաքական գործիչներ, լրագրողներ

Քաղտեխնոլոգ Կարեն Քոչարյանը նոր նախաձեռնությամբ է հանդես եկել. նա քննարկումների ակումբ է ստեղծել, սակայն անվանումը դժվարությամբ մտաբերեց. «Ինչքան հիշում եմ՝ մեդիաակումբ, թե մեդիա քլաբ»: Գրում է «Հրապարակ»-ը:

Տարբեր հարցեր են քննարկում, բայց դրանք լուսաբանման ենթակա չեն: «Քննարկումները փակ են, թեմաները՝ տարբեր, մասնակցում են տարբեր քաղաքական գործիչներ, լինում են դեպքեր, որ հրավիրում ենք լրագրողների եւ պարտադիր ասում, որ այն ենթակա չէ լուսաբանման, այսինքն՝ off the record»,- ասաց Քոչարյանը:

Ովքե՞ր են մասնակցել առաջին քննարկումներին՝ տարբեր քաղաքական գործիչներ, բազմիցս մասնակցել է ԿԳ նախարար Արմեն Աշոտյանը: Իսկ որտե՞ղ են կազմակերպվում քննարկումները: «Այնպես չի, որ ունենք հատուկ տարածք, որտեղ պատահի, այնտեղ էլ քննարկումն իրականացնում ենք: Առայժմ չունենք այդ հնարավորությունները, Աստված տա՝ ունենանք հնարավորություն ու մեր մշտական վայրն ունենանք»:

Իսկ ինչո՞ւ են քննարկումները փակ եւ լուսաբանման ոչ ենթակա, Քոչարյանն ասաց. «Մեր որոշումն է այդպես, հիմա ենք փակ, հետագայում կարող է մեր կարգավիճակը փոխվի: Այդպես է որոշված, իսկ ես պահում եմ մեր կանոնները, որով խաղում ենք, ի տարբերություն Հայաստանում շատ շատերի: Սովոր եմ խաղի կանոններով խաղալ»:

Շարունակությունը` թերթի այսօրվա համարում: