172 մարդ է հիվանդացել Crown Princess ամերիկյան ճամփորդանավում

Խաղաղ օվկիանոսում գտնվող ամերիկյան Crown Princess ճամփորդանավում ավելի քան 170 մարդ է վարակվել նորովիրուսով (ստամոքսի գրիպով): Այս մասին, ինչպես տեղեկացնում է «Արմենպրես»-ը, ասված է ԱՄՆ-ի առողջապահության նախարարության Հիվանդությունների վերահսկողության և կանխարգելման կենտրոնի (CDC) հաշվետվության մեջ:

Հանրանավը, որտեղ գտնվում են 3009 ուղևոր և անձնակազմի 1160 անդամ, կատարում էր 28-օրյա ծովային ճամփորդություն Լոս Անջելեսից Հաիթի: Ներկայումս վիրուսով վարակվել են 158 ուղևոր և անձնակազմի 14 անդամ:

Այժմ Crown Princess-ը գտնվում է խարսխակայանում՝ Լոս Անջելեսից ոչ հեռու: Նոյեմբերի 17-ին քաղաքի Սան Պեդրո նավահանգիստ ժամանելուց հետո հանրանավ կբարձրանան CDC-ի աշխատակիցները, որոնք տեղում կգնահատեն իրադրությունը:

Նորովիրուսը հայտնի է որպես ստամոքսի գրիպ: Դրա բռնկումներ հաճախ են տեղի ունենում մարդատար նավերում և արագորեն փոխանցվում մարդուց մարդու: