Դպրոցների սեյսմիկ վիճակի ուսումնասիրության նպատակով իրականացվել է գործիքային հետազոտություն
ԱՐԽԻՎ
ՀՀ ԱԻՆ Սեյսմիկ պաշտպանության ծառայության համակարգի «Սեյսմիկ պաշտպանության արևմտյան ծառայություն» ՊՈԱԿ-ի և ՄԱԿ-ի մանկական հիմնադրամի (UNICEF) միջև 2014թ. կնքվել է պայմանագիր «Հայաստանում աղետների վնասների կանխարգելման և երեխաների խոցելիության նվազեցման ծրագրի» կատարման նպատակով: Ինչպես տեղեկացնում են ՀՀ տարածքային կառավարման և արտակարգ իրավիճակների նախարարությունից, ծրագրի շրջանակներում ՊՈԱԿ-ն իրականացրել է ՀՀ-ում գոյություն ունեցող դպրոցների տիպային նախագծերի վերլուծություն, «ամենախոցելի» նախագծերի բացահայտում և ՀՀ տարածքում թվով 60 «ամենախոցելի» դպրոցների ակնադիտական և գործիքային հետազոտություն:
Մեծածավալ և բազմակողմանի աշխատանքների արդյունքում, նորագույն տեխնիկական միջոցների և համակարգչային ծրագրերի կիրառմամբ, գնահատվել է ընտրված դպրոցների տեխնիկական վիճակը և սեյսմիկ խոցելիության աստիճանը, կազմվել է 60 ծավալուն հաշվետվություն, որոնցում տրվել են նաև առաջարկություններ այդ դպրոցների վերականգնման և վերակառուցման վերաբերյալ: Այժմ նախապատրաստվում են առաջարկներ ՀՀ կառավարության հանրակրթական ուսումնական հաստատությունների վերականգնման, վերակառուցման կամ արդիականացմանն ուղղված Ազգային ծրագրի և Գործողությունների պլանի համար:
ՈՒՂԻՂ ԵԹԵՐ
Ամենադիտված 
«Շանգրիլայի» լիցենզիան կչեղարկվի. Գագիկ Ծառուկյանին ունեզրկման գործընթաց է սկսել
