ԿամԱԶ-ը համաձայնագիր է կնքել Ադրբեջանում բեռնատարների հավաքման վերաբերյալ
ԱՐԽԻՎ
Բեռնատար ավտոմոբիլների՝ Ռուսաստանի խոշորագույն արտադրող ԿամԱԶ-ն Ադրբեջանի «Գյանջայի ավտոմոբիլային գործարան» միավորման հետ մի շարք համաձայնագրեր է ստորագրել Ադրբեջանում ավտոմոբիլների հավաքման վերաբերյալ՝ պլանավորելով, որ հավաքումը կսկսվի արդեն հաջորդ տարվա առաջին կեսին: Այդ մասին, ինչպես տեղեկացնում է «Արմենպրես»-ը՝ հայտնել է ռուսական ընկերությունը:
Ըստ ԿամԱԶ-ի տեղեկատվության՝ համաձայնագրերից մեկը նախատեսում է բեռնատարների մեքենայական լրակազմերի մատակարարում Ադրբեջանի ձեռնարկությունում հետագա հավաքման համար:
«ԿամԱԶ» բաց բաժնետիրական ընկերությունն աշխարհում զբաղեցնում է 11-րդ տեղը ծանր բեռնատարների առաջատար արտադրողների թվում և ութերորդ տեղը դիզելային շարժիչների թողարկման ծավալներով: Ընկերության միասնական համալիրի մեջ են մտնում ավտոմոբիլային արտադրության 12 խոշոր գործարաններ:
Ընդամենը ԿամԱԶ խումբը ներառում է ավելի քան 150 կազմակերպություններ, որոնք գտնվում են Ռուսաստանում, ԱՊՀ-ում և արտասահմանում: «ԿամԱԶ» ավտոմոբիլները շահագործվում են ԱՊՀ-ի, Եվրոպայի, Ասիայի, Աֆրիկայի և Լատինական Ամերիկայի ավելի քան 80 երկրներում, հաղորդել է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
«Շանգրիլայի» լիցենզիան կչեղարկվի. Գագիկ Ծառուկյանին ունեզրկման գործընթաց է սկսել
