Մերկելը Սուրբծննդյան արձակուրդն ամուսնու հետ անցկացնում է Շվեյցարիայում
ԱՐԽԻՎ
Գերմանիայի կանցլեր Անգելա Մերկելը, որն այս տարի բրիտանական Times թերթի վարկածով ճանաչվել է Տարվա մարդ, Սուրբծննդյան արձակուրդն անցկացնում է Շվեյցարիայում՝ Սանկտ Մորիտց լեռնադահուկային առողջարանից ոչ հեռու: Ինչպես դեկտեմբերի 27-ին հաղորդել է Bild թաբլոիդը, այս տարի Տարվա մարդը դահուկներով չի սահում, այլ ամուսնու՝ Յոահիմ Զաուերի հետ պարզապես զբոսնում է, տեղեկացնում է «Արմենպրես»-ը:
Հրատարակության տեղեկություններով՝ այն վայրում, որտեղ հանգստանում է ամուսնական զույգը, ձյունն այնքան էլ շատ չէ, ուստի շատ չեն նաև դահուկորդները: Դահուկասահքից Մերկելն ստիպված էր հրաժարվել նաև այն պատճառով, որ անցյալ տարի կանցլերը սահելիս ընկել էր ու վնասել ոտքը:
Տաբլոիդի տվյալներով՝ Մերկելը նախկինի պես սահում է Germina մակնիշի Alpha CS մոդելի իր հին դահուկներով, որոնք արդեն 20 տարեկան են: Արտակարգ պահահարից հետո ֆիրմայի ղեկավար Մայք Նոթանգելը կանցլերին առաջարկել է նոր դահուկներ, բայց նա հրաժարվել է՝ վերջինիս հակիրճ հարգալից նամակ գրելով:
ՈՒՂԻՂ ԵԹԵՐ
Ամենադիտված 
«Շանգրիլայի» լիցենզիան կչեղարկվի. Գագիկ Ծառուկյանին ունեզրկման գործընթաց է սկսել
