«Նորմանդական քառյակը» կոչ է արել Ուկրաինայի խնդրով շփման խմբի հանդիպում անցկացնել

«Նորմանդական ձեւաչափի» երկրների արտաքին գործերի նախարարները կոչ են արել առաջիկա օրերին անցկացնել Ուկրաինայի իրադրության կարգավորման խնդրով զբաղվող շփման խմբի հանդիպում եւ առաջընթացի հասնել Մինսկի պայմանավորվածությունների իրականացման գործում, տեղեկացնում է «Արմենպրես»-ը:

«Նախարարները կոչ են անում շփման խմբին՝ հանդիպելու առաջիկա օրերին, որպեսզի առաջընթաց ապահովվի Մինսկի պայմանավորվածությունների ամբողջական իրագործման առումով, ներառյալ արդյունավետ հրադադարի համար էական պայմանների ստեղծումը»,- ասված է Ֆրանսիայի, Գերմանիայի, Ռուսաստանի եւ Ուկրաինայի ԱԳ նախարարների համատեղ հայտարարության մեջ:

Ինչպես նշվում է փաստաթղթում, «դա կնպաստի Աստանայում գագաթնաժողովի նախապատրաստմանը»:

Ըստ ՌԻԱ Նովոստիի՝ նախարարներն ընդգծել են, որ Մինսկի պայմանավորվածությունները մնում են Ուկրաինայի իրադրության խաղաղ կարգավորման հիմքը: