Շվեյցարիայում հայտնաբերվել են անտիկ աշխարհի ավելի քան 5 հազար գողացված իր
ԱՐԽԻՎ
Իտալիայի ոստիկանությունը Շվեյցարիայում հայտնաբերել է անտիկ աշխարհի խոշոր խմբաքանակի գողացված իրեր՝ շուրջ 45 միլիոն եվրո արժողությամբ: Այդ մասին, ինչպես տեղեկացնում է «Արմենպրես»-ը, հունվարի 22-ին հաղորդել Agence France-Presse-ը:
Գործողության ընթացքում Շվեյցարիայի Բազել քաղաքում Իտալիայի ոստիկանության աշխատակիցներն ընդհանուր առմամբ առգրավել են 5461 ցուցանմուշ: Բոլոր իրերը, որոնք թվագրված են մեր թվականությունից առաջ VII դարից մինչև մեր թվականության III դարը, հայտնաբերվել են Իտալիայի տարածքում կատարված հնագիտական պեղումների ժամանակ:
Գործողությունն իրականացվել է արվեստի իրերի իտալացի վաճառորդ Ջանֆրանկո Բեչինայի նկատմամբ հետաքննության շրջանակներում, որը նաև պատկերասրահ ունի Շվեյցարիայում: Բեչինան մտադրվել էր իրերը կեղծ փաստաթղթերով վաճառել գնորդների Անգլիայից, Գերմանիայից, ԱՄՆ-ից, Ճապոնիայից և Ավստրալիայից: Բեչինան և նրա կինը ձերբակալվել են Շվեյցարիայի տարածքում:
Ինչպես հայտարարել է Իտալիայի մշակույթի նախարար Դարիո Ֆրանչեսկինին, դա ամենախոշոր գտածոն է երկրի պատմության մեջ: Բոլոր առգրավված իրերը, որոնք ներառում են սկահակներ, զարդեր, որմնանկարներ և բրոնզե արձաններ, նախարարի խոսքով՝ «կվերադարձվեն այնտեց, որտեղ գտնվել են»:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
