Եվրասիական զարգացման բանկի ղեկավար Ֆինոգենովը թողնում է պաշտոնը
ԱՐԽԻՎ
Եվրասիական զարգացման բանկի (ԵԱԶԲ) վարչության նախագահ Իգոր Ֆինոգենովը թողնում է իր պաշտոնը, նրա տեղը կարող է զբաղեցնել ՌԴ-ի ֆինանսների փոխնախարար, Ֆինանսական շուկաների գծով համերկրային ծառայության նախկին ղեկավար Դմիտրի Պանկինը: Այդ մասին, ինչպես տեղեկացնում է «Արմենպրես»-ը, հունվարի 22-ին հաղորդել է «Իզվեստիա» թերթը:
«Նպատակը, որը Ռուսաստանի և Ղազախստանի կառավարությունների կողմից իմ առջև դրվել էր Եվրասիական զարգացման բանկն ստեղծելիս, ձեռք է բերված: Բանկն ակտիվ խաղորդ է դարձել տարածաշրջանի ներդրումային շուկայում: Այն իրագործում է մասնակից երկրների համար կարևոր նախագծեր, որոնք ընդլայնում են փոխադարձ առևտուրը և անդրսահմանային ներդրումները: Բանկը խորացնում է ինտեգրացումը եվրասիական տարածքում»,- Ֆինոգենովի խոսքը մեջբերել է հրատարակությունը:
Ֆինոգենովը, որը ԵԱԶԲ-ի նախագահի պաշտոնն զբաղեցրել է ավելի քան ութ տարի, թերթին պատմել է, որ պաշտոնաթողությունից հետո զբաղվելու է ֆինանսական նոր նախագծով:
ՌԻԱ Նովոստին հիշեցնում է, որ ԵԱԶԲ-ը հիմնվել է Ռուսաստանի և Ղազախստանի նախաձեռնությամբ 2006 թվականին: Հետագայում բանկի կապիտալին միացել են Հայաստանը, Տաջիկստանը, Բելառուսը և Ղրղզստանը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
