Ո՞ւմ եք ընտրելու թիվ 1 ընտրատարածքում. հարցում

Լուրեր.com կայքն իր ընթերցողների շրջանում հարցում է անցկացնում՝ «Երևանի թիվ 1 ընտրատարածքում առաջադրված թեկնածուներից որի՞ն եք պատրաստվում տալ Ձեր ձայնը» հարցադրմամբ:

Հիշեցնենք, որ թիվ 1 ընտրատարածքում, որն ընդգրկում է Ավան վարչական շրջանն ամբողջությամբ և Նոր Նորք վարչական շրջանից' Լվովյան փողոցը մինչև Գ.Բորյան փողոցի խաչմերուկն ընկած շենքերը, Գ.Բորյան և Ֆ.Նանսեն փողոցների (զույգ համարներով հասցեները) խաչմերուկից մինչև Գայի պողոտա, Նոր Նորք վարչական շրջանի 2-րդ միկրոշրջանն ամբողջությամբ (Դ.Մալյան, Գայի պողոտա' մինչև Ա.Հովհաննիսյան փողոց, Դ.Մալյան և Բագրևանդի փողոցները)։

Հայ ազգային կոնգրեսից այս ընտրատարածքում առաջադրվել է լրագրող, Արցախյան ազատամարտի մասնակից, Շահումյանի շրջանի Գաղթուտ գյուղի ջոկատի հրամանատար Բենյամին Տեր-Սարգսյանի դուստր Գայանե Առուստամյանը:

Իշխող Հանրապետական կուսակցությունից առաջադրվել է ՀՀ Ֆուտբոլի ֆեդերացիայի նախագահ, ԱԺ չորրորդ գումարման պատգամավոր Ռուբեն Հայրապետյանը: Վերջինս 1990-ականների կեսերին եղել է նաև Ավան համայնքի թաղապետ:

«Ժառանգություն» կուսակցությունը թիվ 1 ընտրատարածքում առաջադրել է ԱԺ չորրորդ գումարման պատգամավոր Ստյոպա Սաֆարյանին:

Ինքնաառաջադրվել է Մանուկյան Արսեն անունով թեկնածու ևս: 

Քվեարկությունն ընթանում է Լուրեր.com կայքի գլխավոր էջի մեջտեղի աջ մասում զետեղված «Հարցում» հատվածում: