Հոլիվուդի աստղեր Ջոնի Դեփը և Էմբեր Հերդը պաշտոնապես գրանցել են իրենց ամուսնությունը
ԱՐԽԻՎ
Հոլիվուդի դերասան Ջոնի Դեփը և դերասանուհի Էմբեր Հերդը պաշտոնապես գրանցել են իրենց ամուսնությունը, արարողությունը տեղի է ունեցել Լոս Անջելեսի նրանց տանը: Այդ մասին, ինչպես տեղեկացնում է «Արմենպրես»-ը, հաղորդել է People հանդեսը՝ հղում անելով սեփական աղբյուրներին:
Պսակադրության արարողությունը կայացել է փետրվարի 3-ին, սակայն ԶԼՄ-ներին պատահածի մասին հայտնի է դարձել միայն մեկ օր հետո: «Նրանք միասին հոյակապ են»,- հրատարակությանը հայտնել է զույգի մտերիմներից մեկը:
Ավելի վաղ հաղորդվել է, որ հոլիվուդյան աստղերի պսակադրության արարողությունը կկայանա փետրվարի 7-ին Բահամյան կղզիներում, սակայն, ինչպես նշում է People-ը, Բահամներում տեղի կունենա «մեծ հարսանիքը»:
New York Post-ի տվյալներով՝ տոնակատարությունը կտևի երկու օր և կանցկացվի Դեփին պատկանող Little Halls Pond Cay կղզում՝ դերասանի տանը: Ինչպես հայտնել է թերթի աղբյուրը, զույգը որոշել է միջոցառմանը հրավիրել 50 մարդու, ներառյալ Էմբեր Հերդի ընտանիքը, ինչպես նաև Վանեսա Պարադիի հետ ամուսնությունից Դեփի երեխաները՝ 15-ամյա դուստրը՝ Լիլի Ռոուզ Մելոդին և 12-ամյա որդին՝ Ջեքը, հաղորդել է ՌԻԱ «Նովոստին»:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
