Փրկարարներն ավտոմեքենաները դուրս են բերել արգելափակումից

Փետրվարի 9-ին, ժամը 06.37-ին ահազանգ է ստացվել, որ Կոտայքի մարզի Ծաղկաձոր քաղաքի գլխավոր մարզահամալիրի մոտակայքում «Ալֆա Ռոմեո» մակնիշի ավտոմեքենան արգելափակվել է ձյան մեջ. անհրաժեշտ է փրկարարների օգնությունը:

Դեպքի վայր է մեկնել Ծաղկաձոր քաղաքի ՀՓՋ-ի օպերատիվ խումբը:

Հրշեջ-փրկարարները «Մուլտի Ռեստ Հաուս» հյուրանոցային համալիրի մոտակայքից արգելափակումից դուրս են բերել «Ալֆա Ռոմեո» մակնիշի 34 AM 068 պետհամարանիշով ավտոմեքենան (1 ուղևոր):

***

Փետրվարի 9-ին, ժամը 06.30-ին ահազանգ է ստացվել, որ միջպետական Մ-3 ավտոճա-նապրհին՝ Սպիտակ քաղաքի 1-ին ոլորանում, «Օպել» մակնիշի ավտոմեքենան մերկասառույցի պատճառով դուրս է եկել երթևեկելի հատվածից և արգելափակվել ձյան մեջ. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Հրշեջ-փրկարարները միջպետական Մ-3 ավտոճանապարհի Սպիտակ-Երևան 21-րդ կմ-ում «Օպել» մակնիշի 30 UO 245 պետհամարանիշով ավտոմեքենան դուրս են բերել երթևեկելի հատված:

***

Փետրվարի 9-ին, ժամը 00.28-ին ահազանգ է ստացվել, որ Գեղարքունիքի մարզի Արեգունի գյուղի մոտակայքում մերկասառույցի պատճառով «Ֆորդ Տրանզիտ» մակնիշի ավտոմեքենան դուրս է եկել ճանապարհի երթևեկելի գոտուց և արգելափակվել ձյան մեջ. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Հրշեջ-փրկարարներն արգելափակումից դուրս են բերել «Ֆորդ Տրանզիտ» մակնիշի 09 LU 417 պետհամարանիշով ավտոմեքենան (2 ուղևոր):