Apple-ն աշխատում է էլեկտրամեքենա ստեղծելու գաղտնի ծրագրի վրա

Ամերիկյան Apple ընկերության մի քանի հարյուր աշխատակից աշխատում է էլեկտրական սնուցմամբ մեքենա ստեղծելու գաղտնի նախագծի վրա: Ինչպես հայտնում է «Արմենպրես»-ը, այս մասին գրել է ՏԱՍՍ գործակալությունը' վկայակոչելով The Wall Street Journal-ի հրապարակումը: Ըստ հրապարկման' իր ձևով Apple-ի մեքենան հիշեցնում է մինիվեն: Ընկերության գլխավոր տնօրենի' Թիմ Կուկի կողմից հավանության արժանացած նախագիծը ստացել է «Տիտան» անվանումը: Իսկ մեքենայաստեղծման ստորաբաժինը ղեկավարում է արտադրանքի դիզայի գծով փոխնախագահ Սթիվ Զադեսկին, ով նախկինում աշխատել է Ford ընկերությունում:

Նախատեսվում է, որ մեքենայի ստեղծման վրա աշխատող անձնակազմը բաղկացած կլինի հազար մարդուց: «Ներկայումս ընթանում են ավտոմեքենայի արտադրության մեջ ավտոմատացված մեխանիզմների, մետաղների ու նյութերի տարբեր տիպերի ուսումնասիրման աշխատանքները»,- գրել է The Wall Street Journal-ը:

Ինչպես հայտնել է թերթը, Apple-ի ղեկավարները հանդիպել են ավտոմեքենաների տարբերանշաններ ստեղծող մի շարք ընկերությունների ներկայացուցիչների հետ:

Պարբերականը հայտնել է նաև, որ Apple-ը կարող է նույնիսկ որոշել ու շուկա դուրս չբերել մեքենան: Շատ տեխնոլոգիաներ, որոնք օգտագործվում են էլեկտրոնային սնուցմամբ մեքենայում, ինչպես օրինակ, ժամանակակից մարտկոցները, կարող են պիտանի լինել Apple-ի մյուս արտադրանքների, այդ թվում' Ipad-ի և Iphone-ի համար:

Այս քայլով Apple-ը մրցակցության մեջ կմտնի Tesla և Google ընկերությունների հետ, որոնք ևս էլեկտրական մեքենաների նախագծեր են իրականացնում: