Նուլանդը Եվրոպայում կքննարկի գլոբալ հիմնախնդիրները և Ռուսաստանի դեմ պատժամիջոցները
ԱՐԽԻՎ
ԱՄՆ-ի պետքարտուղարի՝ Եվրոպայի և Եվրասիայի գործերով օգնական Վիկտորյա Նուլանդն այցով մեկնում է Գերմանիա, Սլովենիա, Իտալիա և Բելգիա: Ինչպես տեղեկացնում է «Արմենպրես»-ը՝ հղում անելով Պետդեպարտամենտի մամուլի ծառայությանը, նա ուղևորության մեջ կգտնվի մինչև մարտի 20-ը:
Մամուլի համար արված կարճ հաղորդագրության մեջ չի ճշտվում՝ ինչ հարցեր է Նուլանդը քննարկելու այդ երկրների կառավարությունների ներկայացուցիչների, ինչպես նաև Բրյուսելում «ՆԱՏՕ-ի ղեկավարների և Եվրահանձնաժողովի անդամների» հետ: Միայն ասված է, որ կոնսուլտացիաների թեման լինելու են «երկկողմ, տարածաշրջանային և գլոբալ խնդիրները»:
Մինչդեռ, ինչպես նշում է ՏԱՍՍ-ը, անցած շաբաթ Նուլանդը Կոնգրեսում կայացած լսումների ժամանակ հայտնել է, թե պլանավորում է մոտ ժամանակներս այցելել մի շարք եվրոպական երկրներ, որոնք դեմ են Ուկրաինայի իրադրության կապակցությամբ Ռուսաստանի նկատմամբ արևմտյան պատժամիջոցների խստացմանը: Դրանց թվում հիշատակվել են Հունաստանը, Հունգարիան և Կիպրոսը: Պետքարտուղարի օգնականի խոսքով՝ Միացյալ Նահանգները «այդ թեմայի շուրջ նրանց հետ շարունակում են խոսել երկկողմ հիման վրա»:
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
