50 տարի առաջ մարդն առաջին անգամ դուրս եկավ բաց տիեզերք

50 տարի առաջ՝ 1965 թվականի մարտի 18-ին, ճեղքում կատարվեց տիեզերական տարածության յուրացման բնագավառում. «Վոսխոդ-2» ուղեծրային տիեզերանավի թռիչքի ընթացքում խորհրդային տիեզերագնաց-օդաչու Ալեքսայ Արխիպի Լեոնովն աշխարհում առաջինը դուրս եկավ բաց տիեզերք: Տիեզերանավից դուրս նա անցկացրեց 12 րոպե և 9 վայրկյան, բայց ընդհանուր առմամբ ելքը և վերադարձը տիեզերանավ տևեց գրեթե 24 րոպե: Այս գիտափորձը դարձավ ամենակարևոր և ամենավառ ուղենիշներից մեկը համաշխարհային տիեզերագնացության պատմության մեջ, տեղեկացնում է «Արմենպրես»-ը՝ հղում անելով ՏԱՍՍ-ին:

Լեոնովի մասնակցությամբ գիտափորձը քիչ էր մնացել, որ հանգեցներ տիեզերագնացի մահվան. անօդ տարածությունում «Բերկուտ» սկաֆանդրն այնքան էր փչվել, որ նրան թույլ չէր տալիս հետ վերադառնալ տիեզերանավ: Միայն Ալեքսեյ Լեոնովի արիության և հնարամտության շնորհիվ հաջողվել խուսափել ողբերգությունից: Ի խախտումն հրահանգների՝ տիազերագնացը սկաֆանդրում ճշումը թուլացրեց մինչև վերջնակետային նվազագույնը և դրա շնորհիվ կարողացավ ներս մտնել «Վոսխոդ»: