Սամվել Ֆարմանյանն անմոռուկ նվիրեց Սաջադ Կարիմին
ԱՐԽԻՎ
Եվրամիություն-Հայաստան խորհրդարանական համագործակցության հանձնաժողովի հայկական պատվիրակության ղեկավար Սամվել Ֆարմանյանն անմոռուկ նվիրեց հանձնաժողովի մյուս համանախագահին՝ Սաջադ Կարիմին:
Սամվել Ֆարմանյանը հիշեցրեց, որ 2015թ. խորհրդանշական տարի է, քանի որ հայությունը ոգեկոչում է Հայոց ցեղասպանության 100-րդ տարելիցը: «Գիտեք, որ մենք անցկացնելու ենք Հայոց ցեղասպանության 100-րդ տարելիցին նվիրված բազմաթիվ միջոցառումներ, և հիմա ես ցանկանում եմ պարոն Կարիմին նվիրել Ցեղասպանության 100-րդ տարելիցի միջոցառումները խորհրդանշող անմոռուկը: Սա իմ միակն է, բայց ես այն նվիրում եմ և խնդրելու եմ, որ ինձ նորը տան»,- հայտարարեց Ֆարմանյանը:
Վերջինս իր կոստյումից հանեց անմոռուկը և փակցրեց Սաջադ Կարիմի կոստյումին:
ԵՄ հայաստանյան պատվիրակության ղեկավար Տրայան Հրիսթեան էլ իր հերթին Սամվել Ֆարմանյանի հագուստին փակցրեց ԵՄ դրոշի տեսքով նշանը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
