Ամերիկացի միլիարդատեր Գետիի թոռանը մեռած են գտել սեփական տանը
ԱՐԽԻՎ
Ամերիկացի նավթային մագնատ և միլիարդատեր Ժան Պոլ Գետիի թոռանը՝ Էնդրյու Գետիին, մեռած են գտել Լոս Անջելեսի (Կալիֆոռնիայի նահանգ) իր տանը: Այդ մասին, ինչպես տեղեկացնում է «Արմենպրես»-ը, գրել է Los Angeles Times թերթը: Տեղի ոստիկանության ներկայացուցիչը հայտնել է, որ ոստիկանները հարցաքննել են այն կնոջը, որը կարգի պահապաններին կանչել է մահացածի տուն: Այս պահին նա օգնում է հետաքննությանը:
Միլիարդատեր Ժան Պոլ Գետիի 47-ամյա թոռան մահվան պատճառներն անհայտ են: Մինչև իր մահը տղամարդն ապրում էր Հոլիվուդ Հիլսի շրջանի իր առանձնատանը:
Հանգուցյալի պապը՝ Ժան Պոլ Գետին, եղել է ԱՄՆ-ի պատմության մեջ առաջին դոլարային միլիարդատերերից մեկը: Նրա կայսրության մեջ էին մտնում Getty Oil նավթընկերությունը, ինչպես նաև ավելի քան 200 այլ ձեռնարկություններ: Բացի դրանից, Ժան Պոլ Գետին Կալիֆոռնիայում ամենախոշոր գեղարվեստական թանգարանի՝ Getty Center-ի հիմնադիրն է:
Ինչպես նշում է ՌԻԱ Նովոստին, թանգարանում պահվում է գեղանկարչության անգին հավաքածու: Մասնավորապես, այնտեղ ցուցադրվում է Վինսենթ Վան Գոգի «Հիրիկներ» ամենահայտնի գործերից մեկը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
