Հովիկ Աբրահամյանը ցավակցել է Դմիտրի Մեդվեդևին

Հայաստանի Հանրապետության վարչապետ Հովիկ Աբրահամյանը ցավակցական հեռագիր է հղել Ռուսաստանի Դաշնության վարչապետ Դմիտրի Մեդվեդևին՝ Օխոտի ծովում խորտակված «Դալնի Վոստոկ» ձկնորսանավի նավաստիների ողբերգական մահվան կապակցությամբ:

Ինչպես տեղեկացնում են ՀՀ կառավարության տեղեկատվության և հասարակայնության հետ կապերի վարչությունից, վարչապետը ՀՀ կառավարության և անձամբ իր անունից խորին ցավակցություն է հայտնել զոհվածների հարազատներին և շուտափույթ ապաքինում մաղթել բոլոր տուժածներին: